Alsat-M bën të ditur se për ta bërë më të lehtë huamarrjen, Ministria e financave kreditorëve vendor u ofron letrat me vlerë shtetërore me norma më të larta interesi. Ato vazhdimisht po rriten, me qëllim që letrat shtetërore me vlerë të jenë më tërheqëse, vlerësojnë ekonomistët, transmeton Telegrafi Maqedoni.
Normat e interesit të letrave shtetërore me vlerë
6 muaj (janar 2016) 2.10; (mars 2016) 2.30
12 muaj (qershor 2015) 1.50; (mars 2016) 2.60
10 vite (janar 2015) 3.50; (mars 2016) 3.90
Edhe pse bankat në Maqedoni janë likuide dhe kanë mjaft para për kreditim të ekonomisë, megjithatë kriza politike fut një dozë të pasigurisë, prandaj shkohet me rritjen e normave të interesit.
Që nga fillimi i vitit, qeveria mori rreth 60 milionë euro hua më shumë se ajo që ishte planifikuar. Huamarrja në terren vendas u intensifikua, pasi Ministria e Financave në vend të euro-obligacionit 500 milionësh, nën presionin e opozitës mori vetëm 270 milion euro. Sipas ekonomistëve paratë që nuk u morën me euro-obligacion kompensohen me huamarrje nga huadhënësit vendor. Për pushtetin huamarrja nuk ka të bëjë me zgjedhjet, ndërsa opozita beson se kjo është futje në skllavëri të borxhit me rritjen e vazhdueshme të borxhit publik./Telegrafi/