Një profesor i Gostivarit ka përfunduar në spital të Shkupit, pasi një i dyshuar e rrahu atë me “boks të hekurit”.
Viktimë e këtij sulmi ishte edhe një profesor tjetër, i cili ka marr lëndime më të lehta.
Ekipi i TV21 ka vizituar profesorin e sulmuar në klinikën e Shkupit dhe ka konfirmuar këtë ngjarje, ku të sulmuar janë dy profesorët e Shkollës së Mesme Komunale Gjimnazi Gostivar.
Bëhet fjalë për profesorët B.K dhe D.I.
I sulmuari B.K. ka pësuar më rëndë nga ky sulm.
Kryetari i Gostivarit Arben Taravari ka konfirmuar këtë incident për TV21.
Policia ndërkaq ende nuk është prononcuar për rastin, dhe as drejtori i shkollës.
TV21 ka siguruar fotografitë dhe pamjet nga sulmi që dyshohet se është kryer rreth orës 14h brenda shkollës.
Në pamjet që i janë dërguar TV21, shihet B.K. përgjakur pak minuta pas përfundimit të orës së tij të mësimit.
