Gjykata ka rrëzuar kërkesën e avokatëve të ish-kryeministrit Sali Berisha për përjashtimin e gjyqtares Irena Gjoka nga trupi gjykues që do të gjykojë kërkesën e SPAK për zëvendësimin e masës së sigurisë ndaj Berishës, nga “detyrim paraqitje” në “arrest shtëpie”.
Kërkesa e ishte ngritur nga Berisha përmes avokatëve të tij mbrojtës, me argumentin se Gjoka ishte përjashtuar nga detyra nga Berisha gjatë kohës kur ish-kryeministri kishte postin e Presidentit të Republikës dhe kreut të Këshillit të Lartë Gjyqësor.
Kjo kërkesë i’u kalua për shqyrtim gjyqtarit të gatshëm, i cili në përfundim të gjykimit vendosi rrëzimin e kërkesës.
Kujtojmë se ditën e sotme GJKKO do të vendosë nëse Berisha do të vijojë me të njëjtën masë sigurie, apo do të vendoset në “arrest shtëpie”. /Telegrafi/