Nga rrëzimi i helikopterit ushtarak të tipit UH-60 në Kolumbi, kanë humbur jetën të paktën nëntë ushtarë, anëtarë të një njësie që ishte nisur në luftë kundër guerilëve të FARC-ut në provincën Guavijar, shkruan Reuters.
Hetuesit ushtarak po analizojnë rrethanat e këtij incidenti, që ka ndodhur në një zonë të pabanuar në xhunglën e Guavijarit, transmeton Telegrafi.
Presidenti i Kolumbisë, Ivan Duke, ka deklaruar se ekipet ushtarake të shpëtimit kanë gjetur nëntë trupat e ushtarëve që humbën jetën.
“Moment i vështirë. Kujtojmë heronjtë tanë siç janë policët dhe ushtarët që na ruajnë dhe mbrojnë”, ka shtuar presidenti kolumbian.
Në anën tjetër pjesëtarët e organizatës FARC kanë një rrjet të fortë në provincën Guavijar. /Telegrafi/
