Një aeroplan luftarak i tipit F-16, është rrëzuar dy milje larg bazës ushtarake “Andrees” në Washington DC.
Të paktën një person është katapultuar nga aeroplani, ndërsa ekipet e shpëtimit e kanë lokalizuar pilotin të cilin e kanë shpëtuar, transmeton Telegrafi.
“Piloti ka arritur me sukses të katapultohet dhe të zbret i sigurt në tokë, ndërsa ekipet e shpëtimit e kanë lokalizuar dhe marrë më vete”, kanë bërë të ditur zyrtarë të forcave ajrore amerikane.
Sipas tyre aeroplani F-16 ishte në një mision trajnimi, dhe është rrëzuar në një zonë malorë në Clinton të Maryland-it. /Telegrafi/
