Një rast i rëndë ka ndodhur të mërkurën në Prishtinë, një trevjeçar është lënduar rëndë si pasojë e rrëzimit të rrethojave të një objekti.
Siç bënë të ditur policia, atë e kanë zënë rrethojat dhe gjendja e tij shëndetësore është e rëndë.
Njësitet policore menjëherë kanë ndërmarr veprimet e nevojshme por nuk kanë dhënë detaje se ku ka ndodhur rasti.
“Janë bërë ekzaminime në vendin e ngjarjes, përderisa në konsultim me prokurorin kujdestar nën dyshimin e veprës penale iniciohet rasti “Shkaktim i rrezikut te përgjithshëm” për procedura të mëtejme hetimore”, ka thënë zëdhënësi i Policisë për Rajonin e Prishtinës, Daut Hoxha.
Ndërkaq, nga mjeku kujdestar në Emergjencë në Qendrën Klinike Universitare të Kosovës, Dr. Naser Syla, është konfirmuar se po bëhen ekzaminimet e nevojshme për të vendosur lidhur me tretmanin e mëtutjeshëm.
Syla ka treguar se gjendja e tij është e rëndë.
“Gjendja është e njëjtë, e rëndë. Po presim që ta realizojmë edhe një ekzaminim tjetër dhe pastaj të vendosim çfarë tutje lidhur me tretmanin e mëtutjeshëm”, tha Naser Syla./Telegrafi/