Përdorimi i shpeshtë apo i tepruar i barnave ka edhe efekte anësore, ndërkaq dhënia e antibiotikëve pa recetë të mjekut është e ndaluar në Kosovë, ndonëse nuk respektohet.
Farmacistja Dardana Mehaj në një Podcast në Telegrafi.com me redaktoren Besnike Salihu jep këshilla të vlefshme lidhur me përdorimin e barnave.
Mehaj thekson se antibiotikët nuk duhen të merren assesi pa recetë të mjekut pasi mund të kenë pasoja negative në organizëm dhe mund të krijohet rezistencë.
Ajo po ashtu potencon se edhe barnat tjera, si ato për dhimbje duhet të jenë “arma” e fundit që përdoren pasi fillimisht duhet marr në konsideratë alternativa tjera si ecje, pushim etj.
Farmacistja Mehaj ndër të tjera na tregon edhe për mënyrën e përdorimit të antibiotikëve te fëmijët dhe me çfarë duhet patjetër të shoqërohen në mënyrë që të ruhet flora normale e zorrëve.
Për përdorimin e barnave dhe këshillave rreth kësaj teme ndiqeni Podcast-in. /Telegrafi/
