Lidhja dhe mbështjellja e bebeve para se të bien në gjumë mund të krijojë rrezikun për operacion në legen kur ata të rriten.
Doktorët australian kanë paralajmëruar prindërit e rinj për pasojat e lidhjes dhe mbështjelljes së bebeve, raporton The Daily Telegraph.
Edhe pse është njëra nga metodat më efektive për t’i vënë bebet në gjumë dhe për të parandaluar vdekjen e tyre të hershme, doktorët australianë kanë thënë se kur të rriten ata mund të përballen me shumë probleme fizike.
“Ka shqetësim te komuniteti i mjekëve ortopedë për lidhjen e bebeve”, kanë thënë mjekët australian, të cilët paralajmërojnë se lidhja dhe shtrëngimi i bebeve mund të shpie në zhvillimin e displazisë së legenit.
Fëmijët duhet të jenë të lirë që t’i lëvizin këmbët dhe t’i përkulin në “pozicionin e bretkosës”, kanë thënë mjekët australianë.