Në Queensland të Australisë, dy shokë kanë qëndruar në cep të ujëvarës së lartë 105 metra, që të bënin fotografi.
Për të shkuar deri në atë vend, ata është dashur të kërcejnë nëpër disa gurë, duke rrezikuar në çdo moment që të bien poshtë, transmeton Telegrafi.
“Mbetëm pa frymë, sepse për pak sa nuk ranë. Ishte e frikshme, nuk kishim çfarë të bënim për t’i ndaluar”, ka thënë një dëshmitar lidhur me rastin.
Megjithëse imazhet e postuara janë shumë të bukur, jo të gjithë kanë lënë komente pozitive.
“Më mirë që bënit fotografi me dron, se sa të shkohet deri aty mund të ju përfundoi jeta në çast”, është një nga komentet që ka marrë më së shumti pëlqime. /Telegrafi/