Rreth 50 fluturime janë anuluar drejt dhe nga aeroporti i Dublinit të Irlandës, për shkak se vendi është kapluar nga stuhia Isha.
Raportohet se erërat e forta kanë shkaktuar devijimin e shtatë fluturimeve të tjera.
Aeroporti ka këshilluar pasagjerët që të kontaktojnë drejtpërdrejt me linjën e tyre ajrore për përditësime mbi fluturimet specifike.
Të prekur nga stuhia Isha janë mijëra njerëz dhe zona të Dublinit dhe Mayo-s në të cilat është ndërprerë edhe energjia elektrike.
Parashikuesi irlandez i motit, Met Eireann, ka paralajmëruar se erëra “jashtëzakonisht të forta” priten në tre zona: Donegal, Galway, dhe Mayo.
Zonat janë paralajmëruar nga autoritetet e sigurisë rrugore të cilat i kanë këshilluar drejtuesit e veturave që të shmangin çdo udhëtim gjatë stuhisë.
Këto masa vijnë pasi qeveria irlandeze ka shprehur shqetësim në lidhje me motin duke theksuar se nuk dëshirojnë që askush të vdesë shkaku i stuhisë. /Telegrafi/