Zjarrfikësit po luftojnë me një ‘tornado zjarri’ që po lëviz me shpejtësi dhe që po shtrihet në rreth 150 hektarë në qarkun veriperëndimor të Los Anxhelosit.
Sipas mediave të huaja, përcjell Telegrafi, pamjet tregojnë zjarrin masiv që “rrotullohet” në një stuhi ere ndërsa lëviz nëpër terrenin kodrinor dhe të hapur në Kaliforni të mërkurën herët në mbrëmje.
Më shumë se 200 pjesëtarë të reagimit të shpejtë u thirrën për të luftuar flakët e furishme dhe thuhet se “po bëjnë përparim të mirë”.
Nuk dihet se çfarë e shkaktoi zjarrin, megjithatë këto fenomene zakonisht ndodhin kur nxehtësia ekstreme në rritje “shoqërohet” nga kushtet e turbullta të erës.
Zjarri nuk kërcënoi asnjë strukturë, por zyrtarëve iu desh të mbyllnin një pjesë të autostradës. /Telegrafi/
