Një operacion mbarëkombëtar është zhvilluar mbrëmjen e shkuar deri në orët e para të mëngjesit të kësaj të hëne për goditjen dhe shpërndarjen e lëndëve narkotike në kuadër të operacionit “Tempulli”.
Janë lëshuar mbi 300 urdhër-arreste nga të cilët janë ekzekutuar mbi 200.
Në qytetin e Korçës, në kuadër të këtij operacioni janë 10 të arrestuar ndërsa janë shoqëruar shumë të tjerë, raporton Euronews Albania.
Nga hetimet e prokurorisë janë zbuluar prova që faktojnë se këta persona janë të përfshirë në aktivitetin e “prodhimit dhe shitjes të narkotikëve”. Mësohet se gjatë natës janë ushtruar kontrolle në mjete, banesa dhe lokale të qytetit të Korçës por edhe të Maliqit. Pritet komunikata zyrtare e policisë lidhur me këtë operacion për të identifikuar edhe personat e arrestuar. /Telegrafi/