Beerfest Kosova 22’ përfundoi të dielën, ku për tri natë radhazi, me 19, 20 dhe 21 gusht mblodhi rreth 20 mijë adhurues të birrës. Nën udhëheqjen e moderatorit Kushtrim Sheremeti, pjesëmarrësit e këtij edicioni patën rastin të argëtohen nga këngëtar me famë e artiste te rinj, të shijojnë birrat e ndryshme dhe të jenë pjesë e lojërave argëtuese.
Speciale në këtë edicion ishte prania e një numri të larte të birrave pjesëmarrëse nga te cilat 5 vendore dhe 12 ndërkombëtare. Gjithashtu festivali kishte karakterin “Green” dhe një pjesë e mbetjeve ka shkuar për riciklim, shprehet njeri nga organizatoret e Beerfest Kosova, Ekrem Tahiri.
“Në këtë edicion numri i birrave ishte mjaft i lartë, andaj shfrytëzoj rastin t’i falënderoj sepse pa praninë e tyre festivali nuk do të kishte kuptim. Vlen ta cek se në mesin e birrave kemi pas disa brende të reja që për herë të parë ishin prezentë në këtë edicion dhe per here te pare ju prezantuan publikut vedor. Brendet pjesëmarrëse të birrave në këtë edicion ishin: Birra Peja qe ishte edhe sponsor Gjeneral i Festivalit, Birra Prishtina, Birra Morea, Birra IIlyrian Castle dhe Birra Sabaja (si birra vendore)si dhe Tuborg, Somersby, Carlsberg, Heineken, Birra Moretti, Nastro Azzurro, Peroni, Grolsch, Corona Extra, Kozel, Asahi dhe Wellf Brau (birra ndërkombëtare).
“Nata e parë e festivalit filloi ditën e premte, më 19 gusht, me përformancë të: Melinda Ademi, Lorè, David Dreshaj, Andi, Dj Angler, Dj Kronz dhe Nonejm. Për të vazhduar me natën e dytë të: Mc Kresha & Lyrical Son, Genc Prevlukaj, Blasta, Granit, Yon Idy, Jon Bela & The Moonage, Dj Biggby dhe Master of Mind. Në natën e tretë të Beerfest 22’ kanë përformuar: Minatori, Xuxi, Dj Caboo, Telikput, Solar Flare, Auron Deva dhe Redknot”, theksoi z. Tahiri.
Organizatorët e këtij festivali falënderuan Komunën e Prishtinës për bashkëpunimin e mirë dhe Policinë e Kosovës të cilët janë përkujdesur për sigurinë në bashkëpunim me kompaninë e sigurimit GFS, duke mundësuar që festivali të kaloi pa asnjë ekses.
Njëherit falënderimin kryesor organizatorët e kanë drejtuar për 20 mijë pjesëmarrësit e festivalit të cilët kanë treguar se dinë të argëtohet dhe ta bëjnë një festival të tillë shembull për të mire në rajon.
“Populli ynë di të festojë, di të argëtohet dhe di të shijojë një ngjarje të tillë në mënyrën më të mirë”, tha në fund Ekrem Tahiri, bashkë organizator i Beerfest Kosova, nga kompania MODUS.
Beerfest Kosova, si festival tradicional do te vazhdojë edhe ne vitin 2023 me lokacion të ri dhe me një ndryshim konceptual.
Mirupafshim ne edicionin e radhës!