Si pasojë e reshjeve të dendura të cilat kanë rënë pa ndërprerje gjatë gjithë natës së fundit dhe në orët e para të mëngjesit janë krijuar probleme në qarkullimin e automjeteve në aksin rrugor Elbasan-Librazhd në segmentin Murrash -Librazhd.
Për shkak të kushteve të motit ka pasur rënie gurësh dhe masive dheu dhe qarkullimi për këtë shkak ka vijuar në një korsi duke krijuar trafik.
Në segmentin e bllokuar firma kontraktuese është duke punuar për largimin e materialeve të ngurta dhe rikthimin e normalitetit. /Telegrafi/