Historitë e martesave të shqiptarëve me sovjetikët nuk janë të panjohura, sidomos në kohën kur në pushtet në Shqipëri ishte Enver Hoxha.
Por martesat kanë vazhduar edhe pas shpërbërjes së Bashkimit Sovjetik.
Një rast interesant është edhe i ukrainases Elena Lushaku e cila kishte fatin ta njeh një qytetar të Kosovës në një bregdet në Turqi.
Në RTV Dukagjini ajo tregon historinë e kësaj njohjeje që përfundoi me martesë.
“Jemi njoftuar me bashkëshortin në deti dhe jemi martuar 12 vite më parë. Ne kemi zgjedhur të jetojmë në Kosovë. Jemi njoftuar në bregdet në Turqi aty ku janë të përqendruar ukrainasit dhe shqiptarët”, ka rrëfyer ukrainasja Elena Lushaku në RTV Dukagjini.
Ajo thotë se nuk e ka pasur të vështirë ambientimin me familjen e re në Kosovë.
“Kam vizituar dy herë Kosovën dy herë para se të vija të jetojë. Sigurisht është dallim i madh të jetosh në Kosovë dhe të qëndrosh si turiste. Kam qenë me fat pasi kam njohur në Kosovë edhe dy ukrainase tjera që kanë qenë të martuar me shqiptarë”.
“Për fat të mirë nuk kam pasur vështirësi apo presione nga familja e burrit. Është shumë familje moderne. Për një vit kam mësuar gjuhën. Si dizajnere më kë ndihmuar shumë profesioni për të mësuar gjuhën”, ka rrëfyer tutje Elena./Telegrafi/
