Purnima Shil ka jetuar në pjesën veriore të Bangladeshit. Ishte vetëm 13-vjeçe kur u rrëmbye nga një grup meshkujsh, të cilët e përdhunuan vetëm 200 metra larg shtëpisë së saj.
“Dy prej tyre më mbanin që të mos lëvizja derisa një tjetër më zhvishte pantallonat. Edhe pse përjetoja ferrin, kam arritur t’ua shoh fytyrat”, ka shpjeguar në detaje tmerrin e përjetuar, transmeton Telegrafi.
Ajo kishte menduar se këtë kujtim të tmerrshëm e kishte lënë prapa shpine, megjithatë, por kur mbushi 25-vjet, asaj sërish iu rikthye ndjenja e të qenit e përdhunuar dhe atë përmes Facebook-ut.
“E kam gjetur një profil në Facebook me fotografinë dhe emrin tim. Aty kishin postuar edhe fjalë aspak të këndshme, ku ndër tjera figuronte edhe numri im i telefonit”, ka shtuar Shil.
Miqtë e saj e kishin pranuar kërkesën për miqësi duke menduar se është ajo, por pasi që panë përmbajtjet e fotografive mbetën të shokuar.
“Të gjithë miqtë filluan të më telefonojnë pasi menjëherë e kuptuan se diçka nuk është në rregull. Disa më pyesnin se pse po e bëj këtë, por pasi u tregova se dikush tjetër e ka bërë të gjithë e kanë fshirë atë profil”, ka shtuar ajo. /Telegrafi/
