Trupi i pajetë i një burri i gjetur në një plazh në Somerton në jug të Australisë para më shumë se 70 viteve, është nxjerr sërish nga varri me shpresën se do të çojë deri të zgjidhja e një prej mistereve më intriguese të këtij vendi.
Siç raporton BBC, identiteti dhe shkaku i “vrasjes të burrit nga Somerton” akoma mbetet i panjohur. Gjatë viteve kanë qarkulluar teori të ndryshme lidhur me identitetin e tij – nga një spiun i Luftës së Ftohtë e deri te një partner i vrarë nga xhelozia, transmeton Telegrafi.
E policia australiane tani ka bërë të ditur se hapja e varrit të tij ka një rëndësi të madhe, në veçanti tani kur ka avancuar shumë teknologjia e ADN-së.
"UNKNOWN SOMERTON MAN" – A small touch of dignity from West Terrace cemetery workers, preparing to help detectives transport the remains they've today unearthed, in a bid to solve one of Australia's most enduring, and intriguing, mysteries. The details, @9NewsAdel pic.twitter.com/pvKprQNPGn
— Fiona Clark (@fionaclark_) May 19, 2021
Trupi i pajetë i burrit u gjet më 1 dhjetor të vitit 1948 në plazhin e Somerton në qytetin Adelaide në jug të Australisë. Ai kishte të veshur një kostum, në xhepa nuk kishte asgjë që do të mund ta identifikonte.
Hetimet e para e kishin cilësuar si “rast të pazgjidhur”. Ai ishte varrosur në varrezat e Adelaides me një mbishkrim në guri: “burri i panjohur”.
Mbetjet e trupit të burrit janë hapi i parë në procesin e ndërtimit të ADN profilit, dhe zbulimit të përgjigjeve në një prej rasteve më të mistershme në Australi.
Autoritetet kanë bërë të ditur se nëse arrijnë të sigurojnë dëshmi të mjaftueshme të ADN-së, do të tentojnë të identifikojnë burri si dhe të mësojnë se nga ishte dhe si kishte përfunduar në det.
E ky rast pati fituar vëmendjen e tërë botës, por deri më tani asgjë konkrete nuk ka pasur lidhur me burrin e shumëpërfolur. /Telegrafi/