Bill Oxley, ish-agjent i Agjencisë Qendrore të Inteligjencës të Amerikës (CIA), po ri-shkruan historinë e vdekjes së legjendës së reggae Bob Marley, duke pretenduar se ai e kishte vrarë legjendën.
Marley tragjikisht vdiq në moshën 36-vjeçare, duke humbur luftën e vështirë katërvjeçare me sëmundjen e kancerit.
Historia e kancerit mund të duket e pavërtetë, pasi pretendimet e habitshme kanë dalë nga një rrëfim i vdekjes së bërë nga një ish-oficer 79-vjeçar i CIA-ss, ku pranoi vrasjen.
Oxley pohoi se e ka kryer vrasjen e Marley në mesin e 17 vrasjeve të profileve të larta që i kishte në listë qeveria amerikane midis viteve 1974 dhe 1985.
Ai pa asnjë kompleks e ka pranuar vrasjen duke thënë se CIA ishte vetë ligji dhe çdo urdhër zbatohej me përpikmëri. Gjithashtu ai ka treguar edhe mënyrën e vrasjes.
“Unë i kam shkuar në shtëpi Bob Marleyt dhe i jam prezantuar si një fotograf i “New York Times”. I dhurova një palë atlete në shenjë respekti dhe aty ishte fundi i jetës së tij. Kur ai i provoi brenda kishte një gozhdë e cila ishte me viruse kanceri dhe ai bërtiti nga dhimbja që i shkaktoi”, është shprehur gjatë intervistës.
CIA, e cila kishte mohuar më parë ndonjë përfshirje në vdekjen e Marleyt, tani nuk po pranon të flas rreth pohimeve të Oxleyt. /Telegrafi/