Amir Rrahmani e ka analizuar humbjen në udhëtim te Greqia (2-0) duke pranuar se skuadra vuajti presingun e vendasve.
Gjithashtu kapiteni i Dardanëve zbuloi për SuperSport edhe debatin me trajnerin e Greqisë, në rastin e ndërprerjes së ndeshjes.
“Ka qenë një ndeshje shumë e vështirë, ku vuajtëm shumë dhe nuk arritëm të dalim dot në kundërsulm. Kemi humbur shumë topa në mesfushë dhe nga shansi për të dalë në kundërsulm, jemi kapur në vështirësi”.
“Greqia bëri presion shumë lart dhe unë me Mirlindin ishim gjithmonë një kundër një. Nuk e kontrolluam topin shumë dhe ndoshta këtu ndikoi edhe presioni i madh që kishte ky takim”.
“U ankova te arbitrat, pasi fishekzjarrët ishin shumë të rrezikshme, por kur po flisja me ta, erdhi trajneri grek dhe më shau. Iu ktheva menjëherë, duke i thënë se je trajner dhe nuk të takon të flasësh me këtë gjuhë”, citohet të ketë thënë Rrahmani.
