Amir Rrahmani është shprehur shumë i gëzuar me fitoren e Kosovës kundër Azerbajxhanit në Ligën e Kombeve.
Përfaqësuesja e Kosovës arritur fitore prej 4-0 në ndeshjen e vlefshme për Grupin 3 të Ligës D dhe e përfundoi garën grupore në vend të parë.
Rrahmani ishte njëri prej golashënuesve në këtë sfidë dhe natyrisht se pos fitores së skuadrës i është gëzuar edhe golit të tij.
Ai ka thënë se shpreson që të shënoja gola në ndeshje akoma më të rëndësishme se kjo.
Duke e komentuar lojën, 24-vjeçari ka thënë se ekipi tregoi se mund të luajë ndaj kundërshtarëve më të fortë dhe mund t’i rezistojë presionit që doemos duhet arritur fitore.
Mbrojtësi ka thënë se në asnjë moment nuk kanë menduar për barazim, porse vetëm fitorja ka qenë opsion.
Ai ka theksuar se skuadra tashmë është pjekur dhe është e përgatitur për kundërshtarë më të fortë.
Maqedonia do të jetë kundërshtari i ardhshëm i Kosovës në Ligën e Kombeve. /Telegrafi/
