Gjate ditës së sotme në qytetin e Vushtrrisë pas një zënke rreth parkimit të veturave, janë përleshur fizikisht katër persona.
Zëdhënësi i policisë për rajonin e Mitrovicës, Avni Zahiti, në një prononcim për Telegrafin ka thënë se të tre të dyshuarit që kanë sulmuar një person tjetër, janë në stacionin policor.
“Si pasojë e një konflikti të rastit në rrugën ‘Nexhip e Ferat Draga’ në Vushtrri, një person V.K 32 vjeçar viktimë e rastit ka pësuar lëndime trupore, ndërsa tre të dyshuarit U.M 43 vjeçar dhe T.R 32 vjeçar, janë arrestuar dhe të njëjtëve u është caktuar masa e ndalimit policor. Konflikti ndërmjet të dyshuarve dhe viktimës ishte për një çështje parkimi i raportuar mesditën e sotme”, tha Zahiti, duke shtuar se rasti po hetohet si lëndim trupor./Telegrafi/