Ngjarja ka ndodhur rreth orës 16:05 të mërkurën, në palestrën sportive “Karagaq” në Pejë, aty edhe ku po zhvillohej ndeshja.
Në përleshje, ashtu siç njofton Policia, kanë qenë të përfshirë rreth 30 persona, që 12 prej atyre Policia e Kosovës ka arritur t’i identifikojë dhe t’i arrestojë.
Pas intervistimit, gjashtë nga ta janë ndaluar me urdhër të prokurorit të shtetit. E nga kjo përleshje, nuk është shpëtuar pa pasur lëndime.
“Gjatë përleshjes lëndime trupore kanë marrë 3(tre)persona shtetas të Kosovës, Launor.I.(1994) nga komuna e Ferizajt, Vesel Th.(1986) nga komuna e Ferizajt,dhe Ahmet H.(1990) nga komuna e Ferizajt”, thuhet në njoftimin e Policisë.
Të lënduarit kanë pranuar tretman mjekësor në Emergjencën e spitalit rajonal Pejë dhe më pastaj janë liruar për në shtëpi. /KP/Telegrafi/