Ky është momenti shokues kur dy grupe burrash përfshirë një turist britanik, përfshihen në një rrahje masive në një plazh të bukur të Barcelonës.
Qindra pushues që po shijonin rrezet e diellit filluan të vrapojnë në të gjitha anët, kur dy grupet filluan të shkëmbejnë grushta e shqelma, ku madje njëri prej tyre vazhdimisht i godiste kundërshtarët me shufër të hekurt, transmeton Telegrafi.
Në videon amatore shihen gra e fëmijë duke u larguar nga vendi ku po zhvillohej rrahja masive, e për ta qetësuar situatën është dashur të intervenojnë njësi të shumta të policisë.
Por, kjo nuk është hera e parë që turistë nga vende të ndryshme të botës, filmohen duke u rrahur në plazhe të ndryshme të Spanjës. /Telegrafi/
