Një burrë në Australi është dënuar për sulm ndaj policisë në pjesën perëndimore të Sydney.
Në videon që po qarkullon në rrjetet sociale, shihet burri duke sulmuar një police të cilën e shqelmon dhe grushton, transmeton Telegrafi.
Pavarësisht që tentonte të mbronte fytyrën, ajo e pëson keq – e kolegia e saj vazhdonte të tentonte që t’i vë sprej për sy.
Sulmuesi më pas është zhdukur nga vendi i ngjarjes, e pas tij është vënë një kalimtar rasti.
49-vjeçari disa orë më vonë është arrestuar dhe akuzuar për shkelje të shumta, përfshirë shkeljen e masave anti-COVID dhe sulm mbi zyrtarët policorë.
Në anën tjetër, policia ka bërë të ditur se dy policët që patrullonin rrugës i kishin thënë që të largohet nga rruga pasi që në fuqi është kufizimi i lëvizjes.
Ai kishte filluar të bëhet agresiv dhe në një moment i është vërsulur atyre. Që të dy policet janë detyruar të kërkojnë ndihmë në spital. /Telegrafi/
#BREAKING: Police officers have been attacked outside a cinema in #Bankstown.#9News pic.twitter.com/iAP4K5iFsT
— 9News Sydney (@9NewsSyd) September 13, 2021