Këngëtarja e njohur shqiptare, Rozana Radi ka thumbuar disa këngëtarë të estradës shqiptare duke thënë se nuk janë artistë të vërtetë.
Pa përmendur emra, ajo në Facebook ka shkruar se disa këngëtarë kanë mësuar disa fraza dhe vazhdimisht qëndrojnë prapa tyre e nuk prodhojnë këngë të vërteta e hite.
“Dëgjoj këngëtarë nëpër intervista televizive që thonë: Njerëzit kanë nevojë për muzikën tonë. Atë të vërtetën! Dhe lindin pyetjet!!! Po mirë ti që na bën muzikë të vërtetë pse nuk mbushe një sallë me 10 veta? Ti që bën muzikë të vërtetë pse nuk ke një këngë që ta kesh pasur hit në një vit të caktuar. Artistët e vërtetë çfarëdolloj kënge të këndojnë edhe pas 4 dekadash i kanë plot sallat. Hapini sytë vërdallë se këndojnë akoma. Po ju që fshiheni pas frazave të kësaj natyre nuk jeni as artistë e as të vërtetë. E thashë se plasa…”, ka shkruar ajo në Facebook.
Kënga e fundit e Rozana Radit është “Për me pas nji roze”, e lansuar shtatë muaj më parë.