Roy Keane ka këmbëngulur që katër lojtarë të Liverpoolit nuk do të mund të ishin pjesë e skuadrave të Ligës Premier, si Leicester City, Manchester United ose Manchester City.
Serie prej 68 ndeshjeve pa humbje e Liverpoolit në Anfield u thye në fund të janarit pas një humbje tronditëse 1-0 ndaj Burnley, ndërsa forma në shtëpi ka vazhduar të bjerë pasi pësoi disfata edhe ndaj Brighton dhe Cityt këtë muaj.
Duke folur për Sky Sports, Keane kritikoi thellësinë e skuadrës së Jurgen Klopp në Liverpool dhe cilësinë e disa prej lojtarëve të Reds.
Irlandezi 49-vjeçar veçoi katërshen: James Milner, Xherdan Shaqiri, Divock Origi dhe Caoimhin Kelleher, të cilët sipas tij nuk do të paraqiteshin në skuadrat e Leicester, United apo City.
“Pavarësisht nga mbrojtësit, pjesët e tjera të ekipit, mesfushën dhe sulmuesit, Lojtarët e tyre rezervë nuk kanë qenë mjaft të mirë”, ka thënë fillimisht Keane.
“Milner, Shaqiri, Origi dhe Kelleher, në rregull, ai është një portier i ri që po kalon, por këta djem nuk do të futeshin në ekipin e Man City, në ekipin e Man United apo edhe në ekipin e Leicester”.
“Këta janë lojtarët rezervë që nuk kanë treguar se janë mjaft të mirë”, përfundoi legjenda e Unitedit.
Keane gjithashtu e quajti Liverpoolin “kampion të keq” dhe kritikoi justifikimet e Klopp pas humbjes së Reds me Cityn 4-1 në fundjavë.
Liverpooli aktualisht është i katërti në Ligën Premier dhe ka rënë me 10 pikë prapa skuadrës sfiduese të Pep Guardiolas.
Reds do të kthehen në aksion të shtunën ndërsa udhëtojnë për tek King Power Stadium për ndeshjen e tyre me Leicester Cityn. /Telegrafi/