Rooney Mara dhe Joaquin Phoenix janë në pritje të fëmijës së tyre të parë së bashku.
Aktorja, 35-vjeçe, besohet të jetë në muajin e gjashtë të shtatzënisë me aktorin Joaquin, 45-vjeçar, të cilët raportohet se do të mirëpresin fëmijën e tyre gjatë verës, sipas Page Six.
Çifti aktualisht janë izoluar në shtëpinë e tyre në Los Angeles dhe nuk do të komentojnë ende rreth këtij lajmi.
Rooney u fotografua për herë të fundit javën e kaluar në Ditën Ndërkombëtare të Nënës, gjersa po mbante në dorë një buqetë me lule.
Ndërkohë, Mara dhe Joaquin janë fejuar korrikun e kaluar dhe lajmet u konfirmuan në atë kohë nga US Weekly.
Dyshja u takuan për herë të parë në filmin “Her” në 2013, në të cilin Rooney luante ish-gruan e Joaquin.
Çifti filloi të takohej tre vjet më vonë pasi punuan së bashku në “Mary Magdalene” por mbetën miq deri sa xhirimet përfunduan. /Telegrafi/
