Ylli i Real Madridit, Cristiano Ronaldo vazhdon të tregojë anën e tij të mirë, sa herë që i kërkohet dhe një gjë e tillë e ka bërë edhe sot (e enjte).
Nuk ka kaluar ende mirë një javë që sulmuesi portugez u shpall futbollisti më i mirë në botë nga FIFA.
Por, kjo gjë nuk po e ndalon Ronaldon të bëjë gjeste të madha humane dhe sot (e enjte) ka ndodhur një e tillë duke i bërë nderime një tifozi të ri që mbeti viktimë e tërmetit që goditi Mexico Cityn gjatë muajin e kaluar.
Fjala është për fëmijën Santiago Flores Mora, i cili ishte njëri prej 19 fëmijëve që u zhdukën nën rrënojat e shkollës fillore që u shemb në kryeqytetin e Meksikës.
Ky termet i frikshëm sizmik përveç Santiago ka lanë të vdekur plot 358 persona në total, përcjell Telegrafi.
Në shenj nderimi dhe respekti, Ronaldo ka ftuar familjarët e këtij tifozi të ndjerë në objektet e ‘Santiago Bernabeut’ për t’i takuar ata.
E gjitha kjo erdhi pasi nëna e tij kishte reaguar përmes një letre emocionuese në rrjetin social “Twitter”, disa ditë pas tragjedisë, pikërisht në ditën kur Santiago do të mbushte 7 vjet.
Në fjalën e nënës së Santiagos shkruante se djali i saj e kishte ëndërr të takonte një ditë idhullin e tij, Ronaldon, dhe portugezi në shenj respekti nderoi familjen e tij dhe takimi ishte shumë emocionues. /Telegrafi/