Cristiano Ronaldo raportohet se do të transferohet për 100 milionë euro te Juventusi.
Por, kjo nuk është e vetmja gjë në mendjen futbollistit gjatë kësaj jave – ai gjithashtu është në bisedime me rrjetin social, Facebook.
Përfaqësuesit e portugezit janë duke zhvilluar bisedime me gjigantin e rrjetit social për reality show që do të kishte 13 episoda.
Kjo mund t’i sillte portugezi edhe 9 milionë euro të tjera, shkruan revista e mirënjohur Variety.
Ronaldo është në bisedime për t’u filmuar për Facebook Watch, platformën video që ka stil televiziv.
Shfaqja potenciale, e cila do të jepte një pasqyrë reale të jetës private dhe familjare, do të ishte marrëveshja më e madhe deri më tani e Facebookut.
Theksojmë se Ronaldo me më shumë se 120 milionë ndjekës është sportisti më i popullarizuar në Facebook. /Telegrafi/