Ronaldo në Torino me aeroplanin e tij privat, në shërbim të CR7 ishin gjashtë automjete: Gati për stërvitjen e parë

E hëna e fundit e korrikut do të jetë dita e Cristiano Ronaldos.

Kjo pasi ylli i madh portugez do të bëjë stërvitjen e parë si lojtar i Juventusit.

Të dielën pasdite CR7 arriti në Caselle (aeroporti i qytetit të Torinos) me avionin e tij privat.

https://youtu.be/vOdsv1pMKVg?t=135

Atë ishin duke e pritur gjashtë xhipa të cilët e shoqëruan atë deri te destinacioni i caktuar nga klubi.

Ronaldo ishte i shoqëruar edhe nga gruaja e tij Giorgina, teksa në duar ai mbante djalin e tij të vogël.

CR7 javë më parë kompletoi kalimin te Juve nga Real Madridi për 100 milionë euro.

33-vjeçari ka nënshkruar kontratë katër vjeçare, ku do të fitojë 30 milionë euro në sezon.

Lexo po ashtu Fitimet e Ronaldos te Juve në sekondë, minutë, orë, ditë, javë, muaj dhe vit

Stërvitjes do t’i bashkohen edhe Paulo Dybala, Douglas Costa, Rodrigo Bentancur, Mario Mandzukic, Marko Pjaca, Blaise Matuidi dhe Gonzalo Higuaig, ndërsa vlen të theksohet se ajo nuk do të jetë e hapur për publikun./Telegrafi/