Cristiano Ronaldo ka nënshkruar një kontratë të përjetshme me gjigantët sportive Nike nga e cila do të përfitojë 1 miliard euro.
Vetëm një ditë pasi nënshkroi një kontratë të re me Real Madrid deri në 2021, Nike ka lëvizur shpejt për të vulosur marrëveshjen me yllin e tyre.
Një zëdhënës për shtyp i Nike shprehet për SunSport “Partnershipi i suksesshëm midis Nike dhe Cristiano Ronaldo do të vijojë edhe në të ardhmen afatgjate falë kontratës së re. Ronaldo po kalon një tjetër sezon të madh për kombëtaren dhe klubin, dhe është një ikonë e padiskutueshme e lojës. Ai kalon limitet e futbollit dhe është atleti më i njohur në mediet sociale si dhe sportisti më i famshëm në botë.”
Megjithëse Nike ka refuzuar të konfirmojë shifrën e frikshme prej 1 miliard euro, faqja e internetit TMZ raporton se ata kanë ndjekur të njëjtën strategji si me LeBron James.