Të martën në mbrëmje Real Madridi mes ankthit eliminoi Bayern Munichun në ndeshjen e vlefshme për fazën çerekfinale të Ligës së Kampionëve.
Ajo që u komentua gjatë ishte edhe një bisedë mes sulmuesit të Realit, Cristiano Ronaldos dhe atij të Bayernit, Robert Lewandowskit.
E përditshmja spanjolle “AS” ka zbuluar fjalët që Ronaldo i ka thënë sulmuesit polak menjëherë pas ndeshjes.
Sipas gazetës spanjolle, sulmuesi portugez i ka kërkuar ish-lojtarit të Dortmundit të transferohet të ‘Mbretërit’.
“Eja transferohu te Real Madrid”, kanë qenë fjalët e Ronaldos drejtuar Lewandowskit.
Kujtojmë që Real Madridi kohëve të fundit ka shprehur një interes të madh për Robert Lewandowskin, teksa në mendje ka edhe futbollistë tjerë si Antoine Griezmann, Paulo Dybala e Kylian Mbappe. /Telegrafi/
