Telegrafi

Ronaldo ishte afër të shënonte golin më të mirë në karrierë në ndeshjen ndaj Luksenburgut

Shkumbin Pireva

Cristiano Ronaldo ishte afër të shënonte njërin nga golat më të mirë të tij në karrierë, në fitoren e thellë 5-0 të Portugalisë ndaj Luksenburgut në kuadër të ndeshjeve kualifikuese për “Katar 2022”.

Portugalia ka fituar me rezultat 5-0 ndeshjen e vlefshme për Grupin A, duke u ngjitur në pozitën e dytë të grupit, me Ronaldon më meritorin.

Golat në këtë ndeshje u shënuan nga Ronaldo (8’, 13’, 87’), Bruno Fernandes (18’) dhe Joao Palhinha (69’).

Megjithatë, sulmuesi i Manchester Unitedit, Ronaldo ishte afër të eklipsonte të gjithë dhe të shënonte golin më të bukur të karrierës.

E gjitha ndodhi në minutën e 68-të të ndeshjes, kur Ronaldo mori një top në zonë, ndali me gjoks dhe goditi me gërshërë, goditje që u mohua nga portieri.

Ndryshe, Ronaldo me tri golat e djeshëm ka shkuar në kuotën e 115 golave me kombëtaren, duke qenë lider absolut. /Telegrafi/