Legjenda braziliane, Ronaldo, është larguar nga spitali në Ibiza, ku kishte qëndruar nga dita e premte.
41-vjeçari ishte dërguar me urgjencë në spital të premten, ndërsa më pas ishte shtrirë në një klinikë private.
Fillimisht ishte dyshuar se ai po vuante nga pneumonia, mirëpo në një njoftim të hënën, Ronaldo ka thënë se ishte thjeshtë një ftohje e rëndë.
Pneumonia është një infeksion në njërën ose të dy mushkëritë. Mund të shkaktohet nga bakteret, viruset apo kërpudhat. Pneumonia bakterore është forma më e shpeshtë te të rriturit. Pneumonia shkakton inflamacion (ndezje) në qeskat e ajrit në mushkëri që quhen alveola. Në këtë rast, alveolat mbushen me fluide ose qelb duke e vështirësuar kështu frymëmarrjen.
“Miq, kam pasur një formë të rëndë të ftohjes në Ibiza dhe mu desh të shtrihesha në spital të premten, mirëpo tash gjithçka është në rregull. Nesër (e martë) do të lëshohem dhe do të kthehem në shtëpi. Faleminderit për dashurinë dhe mesazhet!”, kishte shkruar ai në Twitter.
Ndërsa mëngjesin e të martës është lëshuar nga spitali dhe këtë e ka konfirmuar vet ish-futbollisti.
¡Hola a todos! Ya estoy en casa tras unos días en la clínica. Gracias por vuestro cariño y comentarios y muchas gracias al equipo de médicos y enfermeras. Gracias Celina Locks por estar a mi lado. Va a ser una temporada muy bonita y llena de un fútbol magnífico y sorpresas.
— Ronaldo Nazário (@Ronaldo) August 14, 2018
“Përshëndetje të gjithëve! Tashmë jam në shtëpi pas disa ditësh në klinikë. Faleminderit për dashurinë dhe komentet, dhe shumë falënderime për ekipin e mjekëve dhe infermierëve”.
“Faleminderit dashuria ime Celina Locks që më qëndrove pranë”, ka shkruar Ronaldo në postimin e tij në Twitter. /Telegrafi/