I pakrahasueshmi Cristiano Ronaldo ka thyer një sërë rekordesh me paraqitjen e tij në ndeshjen kundër Hungarisë në kudër të ‘Euro 2020’ .
Portugalia regjistroi fitore prej 3-0 në ndeshjen e parë të Kampionatit të sivjetmë Evropian, ndërsa CR7 i shënoi dy prej atyre golave.
Pas thyerjes së rekordit të paraqitjeve në pesë turne evropianë, si edhe pas tejkalimit të Michel Platini si golashënuesi më i mirë në histori të Kampionateve Evropiane, Ronaldo ka thyer edhe një tjetër rekord.
36y 130d – Cristiano Ronaldo has become the oldest player to score 2+ goals in a European Championship match, taking the record from Andriy Shevchenko, who was 35y 256d when he scored a brace against Sweden for Ukraine in 2012. Endurance. #EURO2020 pic.twitter.com/Q9uIntM8Br
— OptaJoe (@OptaJoe) June 15, 2021
Ai është bërë futbollisti më i moshuar që shënon dy e më shumë gola në një Kampionat Evropian.
Me 36 vjet e 130 ditë, Cristiano Ronaldo e ka tejkaluar rekordin e Andriy Shevchenko (35 vjet e 256 ditë), i cili kishte shënuar dy herë me Ukrainën në ‘Euro 2012’ kundër Suedisë. /Telegrafi/