Cristiano Ronaldo ka shënuar dy gola mbrëmë në takimin e fituar kundër Borussia Dortmundit.
Kjo e fundit pësoi humbje me rezultat 3-1 para shikuesve të vetë kundër Real Madridit.
E pikërisht portugezi ka folur rreth triumfit dhe zgjatjen e kontratës me kampionët spanjoll dhe evropian.
CR7 i ka dhënë fund spekulimeve për largimin nga Santiago Bernabeu duke pohuar se zgjatja e kontratës është në përgjegjësi të presidentit Florentino Perez.
“Jam i lumtur te Reali, por kjo pyetje duhet t’i bëhet presidentit pasi që ai është në gjendje të përgjigjej më mirë se unë. Po pres që gjërat të ndodhin normalisht”, ka pohuar portugezi për Champions Total.
“Njerëzit nga e gjithë bota flasin për mua, por ju kurrë nuk e keni dëgjuar nga goja ime largimin”, tha ai.
Ndryshe, gjatë gjithë verës është raportuar se Ronaldo do të transferohet te Manchester United. /Telegrafi/