Cristiano Ronaldo i ka kërkuar tifozëve të Juventusit që të mbushin stadiumin në ndeshjen ndaj Atletico Madridit në Ligën e Kampionëve.
Spanjollët kanë fituar në ndeshjen e parë me rezultat 2-0, por portugezi beson se Zonja e Vjetër do ta rikthejë rezultatin.
“Sipas mendimit tim kjo skuadër po kalon në një sezon fantastik. Jemi në krye të ligës, 16 pikë mbi vendin e dytë dhe jemi të lumtur me atë që po bëjmë në kampionat”.
“Kemi fituar Superkupën ndaj Milanit, tani qëllimi ynë është liga dhe gjithashtu edhe Liga e Kampionëve”, ka thënë CR7 për Juventus TV.
“Mendoj se skuadra është e mirë dhe ne besojmë. Dua t’i them tifozëve se të mendojë pozitivisht për të martën mbrëma, le të besojnë. Është e mundur, por na duhet ndihma e juaj që të bëjmë stadiumin e bukur, të gjithë së bashku”.
“Kemi nevojë për ndihmën, të gjithë ne do të bëjmë punën tonë në fushë, do tentojmë të shënojmë gola dhe të fitojmë ndeshjen. Kemi nevojë për përkrahjen tuaj, bëhuni gati për rikthim”, ka shtuar portugezi.
Pasi Napoli barazoi me Sassuolon me rezultat 1-1, diferenca mes Zonjës së Vjetër dhe Napolit është rritur në 18 pikë. /Telegrafi/
We never give up. Never. #GETREADY TO COMEBACK! pic.twitter.com/BEzGLEFkts
— JuventusFC 🇬🇧🇺🇸 (@juventusfcen) March 9, 2019