Roma ka barazuar me rezultat 1-1 me Servetten në kuadër të xhiros së parafundit të grupit G në Ligën e Evropës.
Vendasit e nisën më mirë ndeshjen pasi patën tri rastë të mira shënimi por nuk arritën të shënonin.
Roma e gjeti golin e avantazhit në minutën e 21-të me anë të Romelu Lukakut, i cili shënoi për 1-0 pas asistimit të Diego Llorentes.
Servette pati edhe dy mundësi të tjera shënimi për të barazuar shifrat, por që nuk e gjetën dot rrugën e rrjetës.
Me epërsinë minimale të Romës u mbyll 45 minutëshi i parë i këtij ballafaqimi.
Fine primo tempo.
Finora decide un gol di Lukaku 💪
Grande parata di Svilar prima dell'intervallo 👏#ServetteRoma pic.twitter.com/GbECFyQZdX
— AS Roma (@OfficialASRoma) November 30, 2023
Servette barazoi rezultatin në 1-1 në minutën e 50-të me anë të Chris Bedias. Ai u asistua nga Miroslav Stevanovic për të shënuar në portën e Svilar.
Pjesa e mbetur e ndeshjes u karakterizua me lojë të qetë dhe pa raste të mira shënimi dhe të dy skuadrat u desh të pajtohen me nga një pikë.
Roma tani ka dhjetë pikë dhe gjendet në vendin e dytë prapa Slavia Prahës që ka 12 sosh.
“Giallorossët” do të luajnë ndeshjen e fundit të grupeve si nikoqir i ekipit moldav Sheriff Tiraspol./Telegrafi/