Roma ka shënuar fitore si mysafir i Torinos si mysafir me rezultat 3-0 në ndeshjen e fundit për të dy skuadrat në Serie A.
Ndeshja nisi me një rast shumë të mirë të Marash Kumbullës, por Etrit Berisha ia mohoi golin.
Në minutën e 33-të erdhi goli i parë në ndeshje, kur Tammy Abraham arriti të shënojë për 1-0 më një goditje brenda zonës.
What a superb player, what a superb goal @tammyabraham pic.twitter.com/TbOuxr3Ck4
— CFC TJ (@EHazardFC) May 20, 2022
Roma fitoi penallti në fundin e pjesës së parë, ku sërish Abraham ishte i saktë për 2-0.
Në pjesën e dytë Torino ishte më aktive, por nuk ia arriti të shënojë edhe përkundër rasteve që i kishte.
Ndeshja u mbyll me golin e shënuar në minutën e 78-të, kur Lorenzo Pellegrini shënoi sërish nga pika e bardhë për të mposhtur Etrit Berishën.
Deri në fund nuk kishte më gola dhe Roma siguroi një pozitë që dërgon në Ligën e Evropës sezonin e ardhshëm./Telegrafi/