Roma është në kërkim të një anësori të ri para sezonit të ardhshëm, ndërsa deri pak kohë më parë ka qenë pas argjentinasit Clemente Rodriguez. Por, tani duket se e ka kthyer vëmendjen kah Behrami.
25-vjeçari me pasaportë zvicerane nuk njeh formë të dobët që disa sezone, pasi që ka shkëlqyer në fanellat e Genoas, Veronas dhe Lazios, para se të largohet nga Serie A, për të kaluar te West Hami, ku u lëndua dhe mungoi një kohë.
Skuadra e tij aktuale është e interesuar për ta shitur atë, ashtu që të zbusë gjithashtu gjendjen e vështirë financiare, ndërsa kosovari kushton, sipas klubit anglez, 6 milionë euro. Nëse klubet e interesuara nuk do të mund të paguajnë këtë shumë të hollash për Behramin, atëherë nuk përjashtohet mundësia që ai të huazohet. /Telegrafi/