Roma dhe Interi do të ndeshen mes vete në një ndeshje derbi të vlefshme për javën e 34-të në Serie A.
Giallorossët janë nikoqir të Nerazzurrëve në ndeshjen që pritet të zhvillohet nga ora 16:00 dhe që mund të vlejë më shumë se tri pikë në garën për një vend në Ligën e Kampionëve.
Ekipi i Simone Inzaghit vjen nga një seri e përkryer me tri fitore radhazi dhe synon të katërtën për të forcuar pozitën brenda top katërshes në Serie A.
Në anën tjetër, ekipi i Jose Mourinhos ka një humbje dhe dy barazime në tri ndeshjet e fundit, por shpreson të kthehet te fitorja për t’u rikthyer gjithashtu në top katërshe.
💥 Matchday
⚽ #RomaInter
🏆 @SerieA giornata 34^
⏰ 18:00 CEST
🏟️ Stadio Olimpico#ForzaInter pic.twitter.com/nfWuNFInL9— Inter ⭐⭐ (@Inter) May 6, 2023
Roma pritet të ketë shumë mungesa të rëndësishme në këtë takim, ndërsa Interi më i kompletuar.
Chris Smalling dhe Marash Kumbulla janë të lënduar, Stephan El Shaarawy mungon në pjesën e sulmit, ndërsa Paulo Dybala, Andrea Belotti dhe Gini Wijnaldum mund të jenë në stol, por shanset e tyre për të luajtur për më shumë se disa minuta janë të kufizuara.
Sa i përket Interit, atyre u mungojnë Danilo D’Ambrosio, Robin Gosens dhe Milan Skriniar, por fokusi është edhe në gjysmëfinalen e ardhshme të Ligës së Kampionëve të mërkurën mbrëma.
Me këtë në mendje, Lautaro Martinez dhe Edin Dzeko mund të pushohen me Romelu Lukaku dhe Joaquin Correa që mund të luajnë nga minuta e parë.
Formacionet e mundshme
Roma (3-4-2-1): Rui Patricio; Mancini, Cristante, Ibanez; Zalewski, Bove, Matic, Spinazzola; Pellegrini, Solbakken; Abraham
Inter (3-5-2): Onana; Darmian, Acerbi, Bastoni; Dumfries, Barella, Brozovic, Calhanoglu, Dimarco; Lukaku, Correa
/Telegrafi/