Skuadra italiane Roma vazhdon të mendojë për një sulmues krahu.
Pasi kanë shitur egjiptianin Mohamed Salah tek Liverpool për 45 milionë euro, Roma ka në listë disa lojtarë për zëvendësimin e tij.
Emri i fundit në listën e ‘Giallorosëve’, është ai i sulmuesit të talentuar Adam Ounas.
20-vjeçari ka shkëlqyer edicionin e fundit në Ligue 1 me fanellën e Bordeaux.
Ai ka shënuar katër gola dhe ka dhuruar disa asistime, ndërsa njihet për teknikë të lartë dhe shpejtësinë në krahun e djathtë.
Sipas medieve italiane dhe atyre franceze, Roma është e gatshme të paguajë 10 milionë euro për algjerianin me pasaportë franceze. /Telegrafi/