Roma ka arritur edhe fitoren e tretë radhazi në Serie A, këtë herë triumfuan me rezultat 0-2 ndaj Empolit.
Ishte një ndeshje e vështirë për klubin romak, por fal provojë ata triumfuan në fund.
Ishte Edin Dzeko ai që kishte i pari shansin më të mirë në takim, por boshnjaku gjuajti jashtë në minutën e 24. Por, ishte Steven N’Zonzi (36’), ai që i dha epërsinë mysafirëve dhe me rezultatin 0-1 përfunduan 45 minutat e parë.
Ismael Bennacer ishte afër të shënonte për vendasit nga gjuajta e lirë në minutë e 51-të, por gjuajta e tij përfundoi jashtë. Empoli lëshoi një tjetër mundësi për gol, këtë herë Francesco Caputo dështoi të shënojë nga pika e bardhë.
Capouto kishte edhe dy shanse tjera të mira në vazhdim, por fati nuk ishte në anën e tij.
Pas gjithë këtyre shanseve të mira nga vendasit, Dzeko nuk shpërdoroi një pasim të mirë të Stephan El Shaarawyt dhe shënoi në minutën e 85-të për rezultatin përfundimtar 0-2.
Pas kësaj fitore Roma renditet e treta me 14 pikë, kurse Empoli në vendin e 18-të me pesë pikë. Ndeshja e ardhshme e klubit romak është kundër Spalit, ndërsa Empoli udhëton te Frosinone. /Telegrafi/
N'Zonzi scores his first goal for Roma 💛❤️pic.twitter.com/OiF1B7XdcW
— ItalianFootballTV (@IFTVofficial) October 6, 2018
Dzeko Dzeko Dzeko #roma 2-0
🔥🔥🔥 pic.twitter.com/CDH7VlDjA9— EZ Sport&Tips (@EZSportTips) October 6, 2018