Sipas Gazzetta dello Sport, Roma dhe Nicolò Zaniolo kanë marrë vendimin të refuzojnë të gjitha ofertat këtë verë, përfshirë edhe të Tottenhamin, dhe të diskutojnë një kontratë të re nga shtatori.
23-vjeçari italian është nën kontratë deri në qershor të vitit 2024 dhe kishte pasur disa tensione brenda klubit për zgjatjen e mundshme.
Është raportuar se klubi dhe Zaniolo ishin të hapur për oferta këtë verë, veçanërisht nga Juventusi.
Megjithatë, pasi Tottenham i Antonio Contes bëri një qasje të fortë, Roma duket se ka ndryshuar mendje.
Agjenti i lojtarit Claudio Vigorelli u takua me drejtorin sportiv të Romës, Tiago Pinto sot në Milano dhe ata vendosën të qëndrojnë së bashku të paktën për këtë sezon.
Ata mund të fillojnë negociatat për një kontratë të re në shtator, pasi të mbyllet afati kalimtar, me shpresën për një marrëveshje deri në qershor 2027.
Ishte e qartë se palët ishin gati për shitje, por vetëm për çmimin dhe destinacionin e duhur, por askush nuk ishte në gjendje të përmbushte vlerën prej 60 milionë eurosh të kërkuar nga Roma. /Telegrafi/