Telegrafi

Roma dhe Fiorentina ndajnë pikët

Pamje nga ndeshja ndërmjet Romës dhe Fiorentinas (Foto: Paolo Bruno/Getty Images/Guliver)

Me rezultat 2-2 ka përfunduar ndeshja ndërmjet Romës dhe Fiorentinas në Stadio Olimpico, e vlefshme për xhiron e 30-të në Serie A.

Mysafirët shënuan të parët përmes German Pezzella (12′), mirëpo menjëherë pas (14′), Nicolo Zaniolo e barazoi rezultatin.

Gerson e riktheu avantazhin e Violas në pjesën e dytë (51′), megjithatë Giallorossët barazuan përsëri me golin e Diego Perottit (57′).

Nicolo’ Zaniolonë ndeshjen ndaj Genoas (Foto: Paolo Bruno/Getty Images/Guliver)

Në minutat e mbetura nuk pati gola, ashtu që të dyja skuadrat u desh të kënaqeshin me nga një pikë.

Roma është në vend të shtatë në tabelë me katër pikë prapa Milanin që mban vendin e katërt (që çon në Ligën e Kampionëve). Fiorentina ndodhet në mes të tabelës dhe nuk ka ndonjë objektiv.

Në xhiron e ardhshme, kryeqytetasit luajnë kundër Sampdorias, kurse Viola është nikoqir i Frosinones. /Telegrafi/