Roma është duke ndryshuar totalisht skuadrën për edicionin e ri.
Skuadra italiane ka larguar disa nga yjet e skuadrës si Kostas Manolas, Stephan El Shaarawy e Daniele De Rossi.
Edin Dzeko, Alexander Kolarov, Frederico Fazio e Cengiz Under janë lojtarët tjerë me valixhe në duar.
Ndërkohë Giallorosët janë duke synuar të përforcohet me emra të ri për sezonin e ri.
Mediat italiane kanë raportuar se Roma është e interesuar për transferimin e dy yjeve të Tottenham, Moussa Sissoko e Toby Alderweireld.
Kryeqytetasit italian janë gati të ofrojnë 40 milionë euro në drejtim të londinezëve për të marrë dy yjet e saj.
Tottenham mund t’i lirojë dy lojtarët për të kaluar te Roma pasi që të dy janë futur në vitin e fundit të kontratës. /Telegrafi/