Legjendarët e “Rolling Stones” nuk e kanë në plan të tërhiqen nga skena.
Vetëm javë më parë, grupi i famshëm publikoi albumin e ri, të 26-të në karrierë, “Hackney Diamonds”.
Këngët “Angry” dhe “Sweet Sounds of Heaven”, si dhe lista e këngëve të albumit, tashmë janë të njohura për fansat e tyre.
Pas publikimit të albumit, lindi edhe pyetja për një turne të mundshëm të Stones.
“Sigurisht, nëse ne jemi ende gjallë,” u përgjigj Keith Richards në një intervistë për BBC.
Kitaristi shtoi gjithashtu se “ai nuk është Nostradamus, por e di që e gjithë kjo do të marrë fund. Megjithatë nuk ka forcë; ne po argëtohemi shumë duke e bërë këtë”.
Në intervistë, Richards iu referua gjithashtu bateristit të grupit Charlie Watts, i cili ndërroi jetë një vit më parë pas një beteje me kancerin e fytit.
Ai deklaroi se do t’i mungojë gjithmonë bashkanëtari i ndjerë, por do të ishte i lumtur të dinte se si do të vazhdojë grupi.
Nëse ata janë ende gjallë, siç tha Richards, ky do të ishte turneu i 47-të në histori të “Rolling Stones”. Turneun e parë e kishin mbajtur në vjeshtën e vitit 1963. /Telegrafi/
