Grupi prej më se 30 refugjatëve kanë mbërritur në Kent të Anglisë, pasi kishin humbur në det, derisa lundronin me një barkë gome.
Ata u shpëtuan nga rojat bregdetare britanike, ndërsa nuk dihet prej nga ishin nisur apo prejardhja që kanë, transmeton Telegrafi.
Dëshmitarët kanë thënë se e kanë parë një fëmijë rreth gjashtëvjeçar të shoqëruar nga një gruas, ndërsa numërojnë se prej barkës dolën 35 persona.
Mirëpo, zyrtarët e emigracionit, nuk kanë bërë të ditura detajet, duke deklaruar vetëm se gjendja e tyre shëndetësore është e mirë.
“Sikur të mos intervenohej me kohë, vështirë se do të mund të qëndronin më gjatë në atë barkë” përfundon deklarata zyrtare. /Telegrafi/
