Ky është momenti dramatik kur një roje kufitare thyen këmbën në një përpjekje të fundit për të ndaluar migrantët të cilët dëshpërimisht tentonin të arrinin në Spanjë.
Siç shkruajnë mediat e huaja, përcjell Telegrafi, bëhet fjalë për një video të kapur nga kamerat e sigurisë, në të cilat shihet një roje i cili thyen këmbën e tij të djathtë pas një përpjekje të tij për të ndaluar një emigrant.
Ngjarja thuhet se ka ndodhur ndërmjet pikës kufitari Tarajal, në kufirin ndërmjet Marokut dhe Spanjës, në orët e hershme të së hënës.
Më shumë se 180 emigrantë, kryesisht nga Afrika sub-sahariane, kanë arritur të mbërrijnë në tokën spanjolle pasi u përplasën përmes portës kufitare dhe “tejkaluan” rojet e kaluara.
Pamjet tregojnë përpjekjet e rojeve për të ndaluar njerëzit, duke përfshirë goditjen e tyre edhe me një shkop, por edhe kjo tentativë ishte e kot. /Telegrafi/
