Ambasadori i Gjermanisë në Prishtinë, Jorn Rohde, ka thënë kontingjenti i shtuar gjerman në misionin paqeruajtës të NATO-s dëshmon përkushtimin e tyre për paqe dhe siguri në Kosovë.
Ai këto komente i bëri në rrjetin social X, pas përkujtimit të ushtarëve të NATO-s që humbën jetën gjatë dislokimit në Kosovë.
”Me ftesë të presidentes Vjosa Osmanit, u bashkova me kolegët në kujtimin e ushtarëve të NATO-s që humbën jetën gjatë dislokimit të tyre në Kosovë. Kontingjenti ynë i shtuar gjerman brenda KFOR-it në NATO nënvizon përkushtimin tonë për paqen dhe sigurinë në Kosovë,” shkroi diplomati gjerman.
Gjermania ka njoftuar se nga prilli do ta rrisë prezencën e ushtarëve në misionin e KFOR-it në Kosovë.
Këtë vendim, Gjermania e mori pas tensioneve që ndodhen në komunat veriore me shumicë serbe, në maj të vitit të kaluar.
Me ardhjen e trupave të ri, Gjermania pritet të ketë gjithsej rreth 200 ushtarë në KFOR./Telegrafi/
At the invitation of @VjosaOsmaniPRKS, I joined colleagues in remembering the @NATO soldiers who lost their lives during their deployment to Kosovo🇽🇰. Our increased 🇩🇪 contingent within @NATO_KFOR underlines our commitment to peace and security in Kosovo🇽🇰!
🇩🇪🤝🇽🇰 pic.twitter.com/dvy7L2eiI4— Ambassador Jörn Rohde (@GermanAmbKOS) March 24, 2024